អារ៉ាប់រួមទិញឡានស្ព័រថតរឿង Furious 7 តម្លៃ ៣,៤លាន$សម្រាប់ប៉ូលិសខ្លួន ~ KhmerOscha

5 Jun, 2015 11:02

Comment (s)

រថយន្ត ស្ព័រទំនើប Lykan Hypersport តម្លៃ ៣,៤លានដុល្លារ ដែលធ្លាប់តែឃើញក្នុងរឿង Furious 7 ត្រូវបានដាក់បញ្ចូលក្នុងកងកម្លាំងប៉ូលិស របស់ប្រទេសមហាសេដ្ឋីផ្នែកប្រេង អារ៉ាប់រួម។

76117148584126350-cropped-2-640x427-c

Lykan Hypersport ដែលទើបតែទិញសម្រាប់ប្រើជាយានជំនិះប្រតិបត្តិការរបស់ប៉ូលិស អារ៉ាប់រួមនេះ មានកម្លាំងម៉ាស៊ីនខ្លាំងដល់ទៅ ៧៧០សេះ ម៉ាស៊ីនស៊ីឡាំងប្រភេទ Twin-turbo flat six មានទំហំម៉ាស៊ីន 3.7 លីត្រ ល្បឿនកុងទ័រលោតពី ០ទៅ ១០០គ.ម/ម៉ ប្រើពេលតែ ២,៨វិនាទី ហើយល្បឿនអតិបរមារបស់វា ៣៨៦គ.ម/ម៉។

រថយន្តស្ព័រតម្លៃ ៣,៤ លានដុល្លារនេះ ត្រូវបានផលិតដោយក្រុមហ៊ុន W Motors ដែលមានទីស្នាក់ការធំនៅទីក្រុងឌូបៃប្រទេសអារ៉ាប់រួម ហើយវាក៏ធ្លាប់ត្រូវបានយកមកថតក្នុងរឿងហូលីវូដដ៏ល្បី Furious 7 ដែលចំណាយទុនផលិតអស់ ២៥០លានដុល្លារផងដែរ។

រថយន្តថ្លៃៗ ដែលប៉ូលិសអារ៉ាប់រួមកំពុងប្រើសព្វថ្ងៃមានដូចជា Bugatti Veyron, Nissan GT-R, Audi R8, Ferrari FF, McLaren MP4-12C, Mercedes SLS-AMG, Mercedes G63 AMG, BMW i8 និង Aston Martin One-77 ហើយកាលពីខែ មិនាឆ្នាំ ២០១៥ កន្លងទៅថ្មីនេះ រដ្ឋាភិបាលអារ៉ាប់រួមក៏បានទិញរថយន្តប្រណិត Rolls Royce Phantom បញ្ចូលក្នុងកងកម្លាំងប៉ូលិសរបស់ខ្លួនថែមទៀត៕

resized_img_2755-640x640